ब्राइट्स सोसायटीचा जाहीरनामा

जगाला प्रभावित करू शकणाऱ्या अलौकिक शक्तीचे, व्यक्तीचे वा गोष्टीचे अस्तित्व वस्तुनिष्ठ वा बुद्धिगम्य नाही म्हणून ते मला मान्य नाही. माझ्या या विचारांचे लोक स्वत:स बुद्धिप्रामाण्यवादी, विवेकवादी, संशयवादी, जडवादी, इहवादी, मानवतावादी, ब्राइट, अज्ञेयवादी, मुक्तचिंतक इत्यादी नावांनी संबोधतात. त्यांना नास्तिक, निरीश्वरवादी, निधर्मी असेही संबोधले जाते. पारलौकिक निकषांवर ऐहिक जीवनाचे नियमन करणे सुचविणारी कुठलीही जीवनपद्धती/धर्म/धम्म/दीन/रिलिजन मला मान्य नाही. बुद्धिप्रामाण्याला विरोध करणार्‍या, पारलौकिक किंवा इतर भावनाधिष्ठित निकषांमुळे, व्यक्तिस्वातंत्र्याचा वा अभिव्यक्तिस्वातंत्र्याचा संकोच होऊ नये म्हणून, आणि समविचारी व्यक्तींशी संवाद साधता यावा म्हणून, मी सर्व नास्तिकांसोबत ऐक्य घोषित करीत आहे.